Hjá Iðjusetrinu starfar Rakel Björk Gunnarsdóttir, iðjuþjálfi. Rakel hefur margra ára starfsreynslu sem iðjuþjálfi og hefur ýmist sinnt ráðgjöf, þjálfun eða meðferð bæði fullorðna og barna. Rakel lauk BSc gráðu í iðjuþjálfunarfræðum árið 2006 ásamt því að hafa lokið grunnámi í markþjálfun og námskeiði í áhugahvetjandi samtalstækni. Hún hefur sótt reglulega fræðslu, námskeið tengt sínu starfi og ráðstefnur hérlendis og erlendis.

Rakel hefur yfir 15 ára reynslu í starfi sem iðjuþjálfi. Hún hefur komið að uppbyggingu þjónustu, stýrt ólíkum verkefnum og fylgt þeim eftir ásamt því að hafa sett á laggirnar og veitt fjölbreytta fræðslu í sínu fagi. Rakel hefur reynslu í íhlutun/þjónustu fyrir ólíka hópa, komið að mótun einstaklingsmiðaðrar þjónustu, sett upp áætlun og sinnt þjálfun. Rakel hefur mikla reynslu af teymisvinnu, hefur góða og víðtæka þekkingu innan heilbrigðiskerfisins, komið að uppbyggingu og samstarfi milli þjónustukerfa og komið að mati á þjónustuþörf.